No tags yet.
Þessi kommóða var í ansi slöppu ástandi þegar við fundum hana. Hún var rispuð og það vantaði á hana fætur. Hún er sértök að því leytinu til hvað það eru margar skúffur og hvað þær eru grunnar. Með öllum þessum flottu og voldugu höldum verður hún ansi glamúrös ef svo má að orði komast. Til að leyfa gylltu höldunum að njóta sín fannst mér kjörið að nota gráa málningu á hana sem við áttum afgangs úr öðru verkefni. Maðurinn minn smíðaði svo fætur á hana og tókst bara ansi vel til.
Ég mátaði hana á nokkrum stöðum heima en þar sem ég er með fleiri húsgögn í svipuðum lit þá fannst mér henni vera ofaukið. Við enduðum á að selja hana en ég get ekki annað sagt en að það votti fyrir eftirsjá.
Hérna er hún fyrir bílskúrsdekur.
