Nýtt úr bílskúrnum

Hérna má sjá nýjustu afurðina úr bílskúrnum. Ég var að velta því fyrir mér að mála hana fyrst, en hefði fundist það illa farið með fallegan við að fela hann á bak við málningu. Aldrei að vita samt nema maður geri það. Lakkið var mjög illa farið svo það þurfti að ná því af og pússa vel án þess að fara niður í gegnum spóninn. Við ákváðum að gera hana dekkri og bárum á hana Danish Oil. Framhliðarnar eru með ansi líflegum æðum (einnig kallað vígindi) eins og sjá má. Að lokum pússuðum við upp höldurnar en þær voru orðnar alveg svartar.

Hún passar því miður ekki í það hlutverk sem við ætluðum henni. Við erum því búin að setja hana á sölu.