No tags yet.
Brúnn, veðraður leðurstóll er alltaf klassískur og gengur upp í ýmsu samhengi. Herbergið þarf ekki að vera þakið dökkum panel og sekkjapíputónlist á grammafóninum svo hann njóti sín. Þetta er hrátt og náttúrulegt lúkk sem gaman er að leika sér með, hvort sem stíliserað er með Industrial áhrifum eða jafnvel í rómantískara umhverfi.
Hér fyrir neðan er stóll sem ég á, reyndar á ég tvo svona. Þeir eru ótrúlega þægilegir og notalegir. Ég læt fylgja með nokkrar myndir af svipuðum stólum í mismunandi samhengi. Alltaf jafn flottir alveg sama í hvaða stíl þeir eru settir.